ME TE RENDA SE MALI I UHUDIT

Një herë hazreti Aishja pa një ëndërr të tillë:
“Ishte bërë Kijameti dhe të gjithë njerëzit ishin mbledhur në vendin e mahsherit. Kur u peshuan veprat e një gruaje, sevapet e saj ishin më të rënda se mali i Uhudit.
Hazreti Aishja e njihte atë grua. Kur u zgjua e thërriti atë pranë vetes dhe e pyeti se çfarë punësh kishte vepruar. Gruaja ndruhej të tregonte, por pasi hazreti Aishja këmbënguli gjatë, i tha: “Gjithmonë i kushtoj rëndësi të veçantë këtyre shtatë gjërave”
1- Gjithmonë kujdesem të mbroj nderin tim.
2- Sa herë që dikush vjen të kërkojë diçka prej meje, n.q.s kam mundësi nuk e kthej kurrë me duar bosh.
3- Asnjëherë nuk jam ulur të ha vetëm. Kurrë nuk i kam vënë fëmijët të hanë në tryezë veç.
4- Gjithmonë marr abdest dhe pregatitem të fal namaz, përpara se të këndohet ezani.
5- Kur muezini këndon ezanin edhe unë i përsëris fjalët e ezanit pas tij.
6- Asnjëherë nuk marr vendim pa u këshilluar me të tjerët dhe pa marrë mendimin e më të diturve.
7- N.q.s një i afërm i ka ndërprerë lidhjet me mua, jam unë e para që shkoj ta vizitoj atë.
Pasi i dëgjoi këto hazreti Aishja tha:
“Pikërisht për këto arsye sevapet e tua janë të rënda”.