ÇDO GJE ESHTE NGA ALL-LLAHU TEALA (1)

Duhet që të mendojmë e të kuptojmë shumë mirë se çdo të mirë na e dërgon vetëm Allahu i Madhëruar. Çdo gjë është krijuar vetëm nga Ai. Çdo krijesë, në çdo çast vetëm Ai e mban në ekzistencë. Cilësitë më të larta dhe të bukura me të cilat janë pajisur robërit e tij janë, të arsyetuarit e të folurit. Ai na ka dërguar mirësi të panumërta dhe i ndihmon njerëzit në vështirësitë e fatkeqësitë e tyre. Ai na i ka pranuar lutjet tona dhe na ka larguar nga të këqijat, fatkeqësitë dhe vuajtjet. Ai i ka krijuar rrisqet dhe na i dërgon. 
Dhuratat i ka aq të bollshme, sa që nuk i ka kursyer as edhe për ata që bëjnë gjynahe (mëkate). Ai gjithmonë i mbulon mëkatet e robëve të Tij, i fal edhe ata të cilët nuk i binden urdhërave e që nuk respektojnë ndalesat e Tij. Ai nuk i turpëron mëkatarët përpara të tjerëve e haptazi dhe nuk do që të shkeli nderin e tyre. Allahu e pëlqen pendimin e është falës i madh dhe i fal shpejt mëkatarët. Ka mëshirë dhe nuk shpejton ti dënojë ato. I shpërndan dhurata dhe të mira, si miqve ashtu edhe armiqve të tij. Ai nuk kursen asgjë përkundrejt cilitdo. Mirësia më e madhe, më e lartë dhe më me vlerë e Allahut është rruga e drejtë që na çon drejtë lumturisë dhe shpëtimit. Ai i nxit njerëzit që të mos devijojnë nga rruga e drejtë, e cila të çon në Xhennet. Për të përfituar nga të mirat dhe kënaqësitë e pafundme të Xhennetit, si dhe për të përfituar dashurinë dhe pëlqimin e Allahut teala, Ai na urdhëron që të ndjekim rrugën Pejgamberit të Tij të dashur, Hazreti Muhammedit sallallahu alejhi ue sel-lem.                          (Vijon)