ÇDO GJE ESHTE NGA ALL-LLAHU TEALA (2)

Mirësitë e Allahut teala janë të qarta si Dielli, sa mosmirnjohës tregohen njerëzit! Të mirat duken sikur na i bëjnë të tjerët, në të vërtetë janë të mira që na vijnë vetëm nga Allahu. Ai krijon ndërmjetësit (ligji i shkakësisë), të cilëve u jep dëshirë dhe mundësi për të bërë mirë. Prandaj nga kudo e nga kushdo që mund të na duket se vijnë të mirat, në të vërtetën ato na i dërgon vetëm i madhi Zot. Të presësh ndonjë të mirë nga dikush tjetër përveç Tij, është sikur ti kërkosh lëmoshë një të varfëri. 

NUK KA NJERI PA FE
Mënyra e jetesës së shpallur nga Allahu teala me anë të Pejgamberëve (alejhimusselam) quhet Fe mënyra e jetesës së formuar nga njerëzit quhet Ligj. Feja mësohet nga prindërit dhe nga librat. Nuk ka njeri pa fe. Çdo njeri jeton në mënyrë të përshtatshme me urdhërat e fesë. Ata që besojnë fenë besojnë se duke bërë këtë do të jetojnë mirë në këtë botë e më pas do të shkojnë në Xhennet ku do të arrijnë lumturinë e përjetshme, ndërsa të tjerët do të digjen pafundësisht në zjarrin e Xhehennemit. Çdo njeri lavdëron fenë e tij. Me anë të reklamave e propogandave i ftojnë të gjithë në fenë e tyre, të gjithë besojnë se feja e tyre është e drejtë dhe kështu ua tregojnë edhe të tjerëve! Duke qenë se e mira e kësaj bote dhe e ahiretit varet nga feja, njeriu nuk duhet të rrijë i lidhur pas fesë që i mësojnë prindërit, nuk duhet të gënjehet nga reklamat e propogandat, por duhet ti studiojë mirë të gjitha fetë e të përqafojnë atë që i duket më e drejta.