FRUTAT E DURIMIT

Një ditë një burrë shkon tek i ndëruari Xhaferr Sadiku “radijallahu anh”, një nga pasardhësit e Resulullahut “Sal-lall-llahu alejhi ve sel-lem” dhe mësuesi i imam Azamit, dhe e ofendon atë me fjalë nga më të këqijat. Xhaferr Sadiku bëri durim dhe nuk i ktheu fare përgjigje. Këshilloi edhe nxënësit e tij të cilët ndodheshin aty pranë, që të mos ndërhynin. Ky person shau me të gjitha fjalët e këqija që i erdhën në gojë dhe iku.
Pas një kohe të shkurtër Xhaferr Sadiku shkoi në shtëpinë e këtij personi. Nxënësit e tij të cilët e vunë re këtë gjë, e ndoqën pas deri aty ku shkoi. Mendonin se mësuesi i tyre do t’ia kthente po me të keq atij përsoni i cili e ofendoi, dhe e kishin ndjekur atë nga pas për ta mbruar n.q.s ai e sulmonte.
Xhaferr Sadiku trokiti në derë dhe kur ky e hapi derën i tha.
- Pak më parë më the disa fjalë të këqija. Nuk të ktheva përgjigje. N.q.s unë i kam ato cilësi të këqija që përmende ti, atëherë unë do të bëj teube dhe do të largohem nga ato veprime. N.q.s nuk i kam ato cilësi që përmende ti atëherë do t’i lutem Allahut që të të falë ty. Të kam falur për të gjitha ato që më the dhe ta kam bërë hallall.
Ky pasi pa këtë virtyt të lartë të Xhaferr Sadikut u pendua dhe bëri teube për ato që kishte bërë.

AMANETI I HAZRETI ALIUT
Po ju lë pesë gjëra amanet.
1- Asnjëhërë mos i humbisni shpresat nga Allahu.
2- Frikësohuni nga gjynahet.
3- Kur t’iu pyetet diçka që nuk e dini mos kini turp të thoni “nuk e di”.
4- Mos u mërzisni duke mësuar ato që nuk i dini.
5- Bëhuni të duruar dhe të bindur.