KUR’ANI

Profeti (sal-lall-llahu alejhi ue sel-lem) në një hadith bën fjalë për gjashtë gjëra që nuk janë në vend të duhur, (të përshtatshëm): -“Mesxhidi, ndërmjet njerëzve që nuk falen; Kurani në zemrën e gjynahqarit; përsëri Kurani, në shtëpinë e atij që nuk e lexon; një grua myslimane, e mirë, e martuar me një burr zullumqar, me vese të këqija; një djalë mysliman i mirë i martuar me një grua të keqe, pa karakter; dhe dijetari, në një grup njerëzish që nuk e dëgjojnë dhe nuk përfitojnë nga dija e tij.” Në ditët e sotme Kurani jeton i vetmuar. Kurani nuk është për tu ruajtur brenda copave të bukura, për të na mbrojtur nga xhindët dhe nga shejtanët, apo për tu varur diku në shtëpi ose në ndonjë varëse. Në qoftë se duhet varur diku, ai vend është një cep në zemrën tonë, për të na udhëhequr kudo që të jemi, dhe për të na mbrojtur vërtetë nga ata që na duan të keqen. Për fat të keq myslimanët në ditët e sotme veprojnë me Kuranin ashtu siç duan kundërshtarët e Fesë Islame: Kurani të lexohet përmendësh, të varet nëpër shtëpira, t’u lexohet në varreza të vdekurve; por të mos mësohet(kuptohet) qëllimi i zbritjes së tij dhe të mos veprohet sipas tij. Sa bukur e thotë një njeri i madh me lot në sy: (Kurani im, i cili ka mbetur i vetmuar për tre shekuj me rradhë!) Allahu na bëftë nga ata që e lexojnë, e    kuptojnë dhe jetojnë sipas Librit te Tij!

ADRESAT TONA NE  INTERNET
Për kalendar: www.turk­tak­vim.com
E-mail: takvim@ihlas.net.tr
Koha e namazit: www.na­maz­vak­ti.com
E-ma­il: vakit@ihlas.net.tr