NENAT (1)

Allahu (xh.sh.) urdhëroi nënën e Musait që ta ushqente para se të largohej prej tij në kohën kur Faraoni përpiqej të zhdukte të gjithë djemtë e izraelitëve. Kur fëmija ushqehet me gjirin e nënës, kur e merr në krah ai në fillim sheh fytyrën e nënës pastaj fillon të pijë. Pas kësaj ai nuk e harron asnjëherë fytyrën dhe erën e saj. Kjo është vërtetuar disa herë. Marrja e Musait nga Faraoni dhe rritja në pallatin e tij, tregon mbajtjen e fjalës së dhënë në ajetin e mësipërm. Që foshnjë, Musai (a.s) nuk pranoi të ushqehej nga asnjë grua tjetër derisa gjeti nënën e tij. Nga kjo arrijmë të kuptojmë që fëmijët janë në gjendje të marrin informacion që në barkun e nënës. Kërkimet e kohëve të fundit na informojnë rreth sjelljes që duhet të kemi ndaj foshnjeve. 
Gjithashtu hulumtimet shkencore tregojnë se gjatë vitit të parë, foshnjet ndikohen më shumë seç mendohet nga mjedisi i jashtëm. Prandaj kujdesi ndaj tyre, komunikimi me ta, shkurt, dashuria që tregojmë ndaj tyre mund të sjellë një zhvillim të paparë dhe të mrekullueshëm. Sipas shkencëtarëve amerikanë është provuar se një pjesë e trurit zhvillohet që në barkun e nënës. Neuronet e trurit të embrionit para se drita të bjerë në retinën e syrit, luajnë një rol të madh në zhvillimin e trurit, duke i dërguar njëri-tjetrit miliona mesazhe elektronike.
Shkencëtarët e krahasuan këtë mesazh me mesazhe të pandërprera telefonike dhe u emocionuan shumë përballë këtij zhvillimi. Truri i njeriut, pas lindjes, për të marrë të gjitha informacionet përfshihet nga 100 miliard neurone. Përballë këtij truri të programuar na takon të punojmë shumë, për të zbuluar edhe mrekulli të tjera në trurin e foshnjeve. Foshnjet të cilat nuk kanë të zhvilluara shqisat që vënë në lëvizje trurin, janë të pajisura me një tru 20-30 % më të vogël.                                (Vijon)