NENAT (2)

Sipas kërkimeve të fundit, vërtetohet rëndësia e qëndruarit afër e prindërve, ledhatimi i fëmijëve, interesimi për ta. Sipas një kërkimi të bërë në Angli në 600 familje nëpunësish, është vërtetuar se fëmijët që rriten në familjet ku të dy prindërit punojnë janë më të pasuksesshëm në krahasim me fëmijët e tjerë. Faktori kryesor i kësaj gjendjeje është mosinteresimi i prindërve dhe mosgjetja e kohës së lirë për të qëndruar me fëmijët e tyre. Përveç kësaj, disa prej këtyre fëmijëve mendojnë që të braktisin shkollën dhe pohojnë se ndihen shumë të vetmuar. Foshnjet arrijnë të njohin zërin e nënës që në shtatëzani. Ai zë atyre iu duket si një melodi e bukur. Pas 6 muajve arrijnë të njohin më mirë zërin e saj, arrijnë të dallojnë zanoret. Fëmijët të cilët nuk ledhatohen, hasin vështirësi në komunikim, janë shumë të mbyllur dhe nuk mund të nxjerrin në plan të parë ndjenjat e lumturisë. Prandaj, nënat kanë një detyrë të vështirë në këtë çështje. Një personalitet i shquar thotë: “Edukatori i parë i njeriut është nëna e tij. Në lidhje me këtë mund të them disa gjëra rreth vetes sime: Gjatë jetës sime 80 vjeçare mund të kem marrë mësim nga 80 mësues, por, mund të them se mësimi i marrë nga nëna ime ka qenë gjithnjë më i vlefshmi, më i freskëti dhe është vendosur në trupin tim në formën e një bërthame që jep frytet e saj çdo mot. Të gjitha mësimet e marra janë vendosur mbi atë bërthamë. Kjo do të thotë që mësimet e marra nga nëna në moshën 1-vjeçare, i shoh tani në moshën 80-vjeçare si degët e bërthamës. Gjithashtu mendoj se ndjenjat e dashurisë, mëshirës e dhembshurisë, i kam marrë nga edukatorja ime e parë...
Prandaj, nënat duhet të kenë shumë kujdes...”