KELIME-I SHAHADETI

Më i rëndësishmi nga pesë kushtet është shqiptimi dhe besimi në “Shehadet”, sipas rëndësisë pas kësaj vjen falja e namazit, pastaj agjërimi dhe haxhi. Zekati është i fundit. Epërsija e Shehadetit pranohet unanimisht nga të gjithë dijetarët e Ehli-Synnetit. Për epërsinë e katër kushteve të tjera, fjalët e dijetarve janë siç vijuam dhe përmendëm më lart. Shehadeti qe i pari farz për besimtarët dhe u bë e domosdoshme që në fillim të Islamit. Pesë kohët e namazit u bënë farz në vitin 12. Një vit e disa muaj para Hixhretit, Natën e Miraxhit. Ramazani sherif u bë farz në vitin e dytë pas Hixhreti në muajin Shaban. Zekati u bë farz njëherësh me agjërimin, d. m. th. në muajin Ramazan. Dhe Haxhi u bë farz në vitin 9. pas Hixhretit.
Një njeri që mohon njërin nga kushtet e Islamit, nuk e beson atë, tallet dhe nuk e respekton, Allahu na ruajt, bëhet jobesimtar. Gjithashtu ai që e refuzon “hallallin” dhe “haramin” që janë fare të qarta e të njoftuara nga Allahu i Madhëruar, me fjalë të tjera ai që hallallit i thotë haram dhe haramit i thotë hallall, bëhet jobesimtar. Po ashtu edhe ai që mohon njërën nga domosdoshmëritë dhe kushtet e prera të fesë, bëhet jobesimtar.

LIBRAT QIELLOR
Librat qiellor të zbritur janë njëqind e katër. Dhjetë prej tyre i janë zbritur Ademit Alejhis-selam, pesëdhjetë Shit-it alejhis-selam, tridhjetë Idrizit alejhis-selam, dhjetë Ibrahimit alejhis-selam. Vetëm këto janë të përmendura. Libri Teurat i është zbritur Musa-it alejhis-selam, Zeburi Dautit alejhis-selam. Ungjilli Isait alejhis-selam, dhe më në fund Kur'ani Kerimi i është zbritur Muhammedit alejhis-selam