DOMETHENIA E FJALEVE TE EZANIT

ALL-LLAHU EKBER: Zoti është i madh. Ai nuk ka nevojë për asgjë. Eshtë i madh dhe për ibadetet e robëve të Tij nuk ka nevojë. Për ta rrënjosur mirë në mendje këtë domethënie, kjo këndohet katër herë.
ESHHEDU EN LA ILAHE IL-LALL-LLAH: Dëshmoj dhe deklaroj se nuk ka Zot tjetër përveç Allahut. Edhe dëshmoj dhe besoj se me madhështinë e Tij nuk ka nevojë për adhurimin e askujt, se përveç Tij nuk e meriton askush të adhurohet.
ESHHEDU ENNE MUHAMMEDEN RESULULL-LLAH: Besoj dhe dëshmoj se Muhammedi (salall-llahu alejhi ve selem), është pejgamber i dërguar i Tij, se është njoftues i rrugës së ibadeteve që i kërkoi Ai, dhe se Allahu i pranon vetëm ibadetet që u njohtuan nga Ai.
HAJJE ALES-SALAH; HAJJE ALEL FELAH: janë dy fjali që i thërrasin besimtërët në namaz, i cili sjell shpëtimin, lumturinë dhe kënaqësinë.
ALL-LLAHU EKBER: Ibadetin që e meriton Ai, askush nuk mund ta arrijë. Eshtë shumë i madh dhe i vetmi të cilit duhet t’i bëhet ibadet.
LA ILAHE IL-LALL-LLAH: Vetëm Allahu është Ai që e meriton, që është i denjë t’i përulesh në ibadet. Askush nuk ka të drejtë t’i bëjë ibadet tjetërkujt, përveç Tij.