GJERAT QE JANE TE NDALUARA TE KRYHEN KUR MERR ABDEST

Gjërat që janë të ndaluara të kryhen kur merr abdest, janë dymbëdhjetë. Të punohen këto është haram, ose mekruh. Disa nga ato janë:
1- Duke e prishur abdestin në tualet, në fushë, kiblen nuk duhet ta kesh përpara as prapa.
2- Nuk duhet të marrë taharet me dorën e djathtë.
3- Nuk duhet të pështysh e t’i frysh hundët në vendin ku merret abdest.
4- Pjesët (trupore) të abdestit nuk duhen larë as shumë më tepër dhe as më pak, veçse sa është përkufizuar, dhe nuk duhet larë as më shumë as më pak se tri herë.
5- Duke marrë abdest uji nuk duhet hedhur në fytyrë, por duhet derdhur nga pjesa e sipërme e ballit dhe poshtë.
6- Nuk duhet të fshihen hundët me dorë të djathtë.

GJERAT QE E PRISHIN ABDESTIN (1)
Shtatë gjëra e prishin abdestin. Këto janë:
1. Jashtëqitjet që dalin nga ana e përparme (organi gjenital) dhe nga ana e prapme (anusi): 
a) Nevoja e madhe dhe e vogël. 
b) Kur futet e nxirret nga prapa zorra e trashë, nëse vendi përreth është i lagur, prishet. Edhe nëse pjesa mbetet e terur, është mirë që abdesti të përsëritet. 
c) Abdesti prishet edhe kur laget pjesa e mbetur jashtë e fitilit të pamukut që u vihet përpara meshkujve e femrave për të mos pikuar urina. 
2. Gjërat e ndyta të dala nga goja:
a) Nëse vjell me plot gojën. 
b) Kur pështyn, nëse është nxjerrë shumë gjak. 
c) Gjaku i lëngshëm që vjen nga lukthi e mushkëritë, sipas Imam Adhamit, qoftë edhe pak, e prish abdestin. 
ç) Nëse del nga goja vaji i hedhur (me pika) në vesh abdesti prishet.                                (Vijon)