IMAM GAZALIU

I nderuari Imam Gazali është një nga dijetarët më të mëdhenj të fesë islame. Lindi në vitin 1058 në fshatin Gazali të qytetit Meshhed. Vdiq po aty në vitin 1111. Ka qenë mushtehid dhe ka shkruar shumë libra. Librat që ka shkruajtur, janë aq shumë sa po t'i pjestosh me jetën e tij, del që të ketë shkruar 18 faqe në ditë. Imam Gazali ka qenë profesor universiteti në bagdad. Më pas këtë profesion e ka vazhduar në Damask dhe në Nishapur. Me shumë vlerë janë librat e tij "Ringjallja"  dhe "Kimja-i Saadet".
Një natë të hënë, pasi kishte mbaruar ibadetin dhe leximin e Kur'anit, u ngrit përpara se të hynte koha e namazit të Sabahut dhe përsëriti abdesin. Kur hyri koha e Sabahut, fali namazin dhe u kërkoi një qefin atyre që kishte pranë. Kur e mori qefinin, e puthi dhe tha: "O Allah! Urdhërin Tënd e kam për gjithçka!" dhe u fut ne dhomë. Kur të afërmit e vunë re se u vonua më shumë se çe kishte zakon, u futën në dhomë. Aty gjetën imam Gazaliun që kishte dhënë shpirt, i mbështjellë me qefin dhe më fytyrë të kthyer nga Kiblja.  Imam Gazaliu ka thënë:
"Njerëzit janë tre llojesh"
1- Disa njerëz janë si ushqimi. Çdo njeri ka gjithmonë nevojë për to.
2- Disa njerëz të tjerë janë si ilaçet. Na duhen vetëm kur kemi nevojë.
3- Ka edhe njerëz të tjerë të cilët janë si sëmundjet.Askush nuk ka nevojë për to. Këto ndjekin njerëzit nga pas. Duhet të mundohemi të ruhemi prej tyre.