BESIMI NE DITEN E AHIRETIT (2)

RIGJALLJA PAS VDEKJES 
Kurse për veprat që ëngjëjt shkrues nuk i dinë, organet e trupit do të dëshmojnë Allahut duke ja bërë të njohur për gjithçka, dhe do t’u kërkohet llogaria në varr. 
Kjo do të thotë se në varr do t'i nënshtrohemi një provimi serioz të Allahut. Këto do t'i bëjë Ai i plotfuqishmi dhe mëshirploti, Allahu, i cili ka krijuar tokat, qiejtë, duke filluar nga gjërat më të imta e deri tek yjet. Për këto të vërteta Resuli i Allahut teala na ka bërë të ditur në shumë hadithe dhe ato që thotë ai janë të drejta. Pa dyshim që të gjitha këto do të ndodhin. 

URA E SIRATIT
Ura e siratit. Kjo urë do të ndërtohet me urdhërin e Allahut teala dhe do te jetë mbi Xhehennemi. Çdo njeri medoemos do të kalojë nëpër këtë urë. Atë ditë të gjithë, bile edhe pejgamberët do t'i luten Allahut të Madhërueshëm: “O Zot na shpëto”. Ata që janë të Xhennetit do t'a kalojnë urën me lehtësi dhe do të mbërrijnë në Xhennet me shpejtësi. Disa nga këta urën do t'a kalojnë me lehtësi shumë të madhe dhe me shpëjtësi të rrufesë, disa si erë, disa si kali që vrapon. Ura e siratit është më e hollë se fija e flokut dhe më e mprehtë se tehu i shpatës. Përshtatja jonë dhe përqafimi rreth Islamit në këtë botë është si kalimi mbi këtë urë. Ata që e fitojnë këtë me kënaqësi shpirtërore do ta kalojnë shumë kollaj urën e siratit. Kurse ata që nuk do të ndjekin Islamin, ata që iu nënshtrohen kënaqësive dhe epsheve të tyre shpirtërore, urën e siratit kanë për t'a kaluar me vështirësi ose nuk do tia arrijnë ta kalojnë, por do të bien në humnerat plot me zjarr të Xhehennemit.            (Vijon)