RA NE GROPEN QE HAPI VETE

Një ditë Ebu Xhehili i përgatiti një kurth Pejgamberit alejhisselam. Hapi një gropë përpara shtëpisë së vet dhe e thërriti pejgamberin për vizitë në shtëpinë e tij. Kur Pejgamberi po shkonte drejt shtëpisë së Ebu Xhehilit vjen Xhebraili alejhisselam dhe i tregon për gropën.
Kur e mori vesh këtë gjë pejgamberi u kthye në shtëpinë e tij. Ebu Xhehili kur e pa të kthehej mbrapsht u nis ti shkonte nga pas për ta pyetur për arsyen, por e harroi gropën që kishte hapur dhe ra në gropën që hapi vetë.
Për ta nxjerrë që aty i zgjatën një litar, por nuk e arrinte dot litarin. Sa më shumë që ia zgjatnin litarin aq më tepër thellohej gropa. Në këtë gjendje Ebu Xhehili gati sa nuk po çmendej brenda gropës së errët.
I dërgon fjalë Pejgamberit dhe i lutet që ta nxjerrë nga gropa. Kur vjen Pejgamberi pranë gropës i thotë:
- Po të nxorra nga gropa a do të besosh?
- Po më nxorre nga gropa do të besoj.
Pejgamberi Alejhisselam i zgjati dorën e tij dhe e nxorri që aty. Kur doli, Ebu Xhehili tha:“Nuk kam parë kurrë magjistar kaq të fuqishëm sa ty në jetën time.” Dhe nuk besoi.