Ахлоқ... Ибратли савол жавоблар (1)

- Жуда бой бўлиш учун нима қилиш керак?

- Қаноаткор бўлган киши инсонларнинг энг бойи бўлади.

- Энг хайрли одам ким?

- Инсонларнинг энг хайрлиси бошқаларга фойдали бўлганидир.

- Энг адолатли инсон ким?

- Ўзи учун истаганини бошқа инсонларга ҳам истаган киши инсонларнинг энг одилидир.

- Аллоҳнинг хос қули бўлиш учун нима қилиш керак?

- Аллоҳни кўп зикр этиб ёдга олган киши Аллоҳнинг хос қули бўлади.

- Эҳсон соҳиби бўлиш учун нима қилиш керак?

- Аллоҳга Уни кўриб тургандек ибодат этган кимса эҳсон соҳиби бўлади.

- Комил иймонга эришиш учун нима қилиш керак?

- Гўзал ахлоқли бўлиш керак.

- Нурга беланган ҳолда қайта тирилиш учун нима қилиш лозим?

- Ҳеч кимга зулм этмаган киши нурга беланиб қайта тирилади.

- Гуноҳлари камайиши учун нима қилиш керак?

- Истиғфор этиб, гуноҳларининг кечирилиши учун Аллоҳга ёлворган кишининг гуноҳлари камаяди.

- Карам соҳиби бўлиш учун нима қилиш керак?

- Аллоҳга қулларидан шикоят этмаган одам инсонларнинг карими бўлади.

- Ризқи мўл бўлиши учун нима қилиш лозим?

- Тозаликка эътибор берган кишининг ризқи мўл бўлади.

- Аллоҳу таоло ва пайғамбар жанобимиз тарафидан севилиш учун нима қилиш керак?

- Севилиш учун Уларнинг севганларини севиш, севмаганларини севмаслик керак.

- Аллоҳнинг ғазабидан қутулиш учун нима қилиш керак?

- Дунё учун бировга ғазабланмаган киши Аллоҳнинг ғазабидан қутулади.

(давоми эртага)