MIRE SE ERDHE RAMAZAN I BEKUAR (3)

Po të na lejojnë kushtet dhe mundësitë dhe po ta kemi shëndetin në vend, është mirë që gjatë gjithë Ramazanit të shkojmë në xhami për t'i falur namazet me xhemat. Kështu, edhe fitojmë më shumë mirësi, edhe krijojmë mundësinë për t'u takuar dhe për-shëndetur në këtë atmosferë të begatshme me njerëzit e mjedisit që na rrethon.

Ka rëndësi që në ditët dhe netët e Ramazanit të shkojmë në xhami bashkë me fëmijët tanë të rritur e që janë në periudhën e rritjes. Në kohë të tilla en-tuziaste, ata e kuptojnë më mirë rëndësinë e soli-daritetit, bashkimit dhe unitetit.

Në muajin e Ramazanit, në ditët dhe netët e shënuara të kërkojmë mundësinë për të uruar fare-fisin, fqinjët e miqtë dhe për të pritur urimet e tyre. Urimet e dyanshme dhe interesimi i dyanshëm për mirëqenien jep mundësinë për të marrë pjesë në gëzimet dhe hidhërimet, në sukseset dhe problemet e njëri-tjetrit.

Në këto ditë dhe netë të bekuara, këndimi dhe dëgjimi i Kuranit, pjesëmarrja në biseda me temë nga Kurani dhe Suneti, dëgjimi i predikimeve dhe këshillave, ndarja me të tjerët e kësaj atmosfere moralo-shpirtërore, i japin njeriut prehje e kënaqësi. Sidomos meditimi mbi kuptimet e Kuranit dhe senten-cave profetike na i plotëson mangësitë e njohurive në fushën e fesë, na siguron thellimin në këtë fushë.

Në ditë dhe netë të tilla i duhet lutur me sinqeritet Allahut që të na mbrojë nga fatkeqësitë bashkimin dhe unitetin kombëtar, sigurinë dhe qetësinë kom-bëtare, botën islame dhe tërë njerëzimin. Një botëkuptim i tillë i përfton personit vetëdijen se është një pjesëtar i dobishëm i bashkësisë njerëzore.