DITURI FETARE

Fëmija është një amanet në duart e nënës dhe babait. Zemrat e pastra të fëmijëve janë si xhevahire të kushtueshëm. Kur fëmija është i vogël është i pastër nuk i njeh gjynahet. Eshtë si dheu i pastër. Çfarëdo fare që të mbillet në dhe të pastër rritet dhe jep fruta. Po ti mësohet Kur’ani kerim dhe të mësohen të kryejnë të gjitha porositë që na ka dhënë Allahu, këta fëmijë arrijnë të mirat e kësaj bote dhe të ahiretit. Në këto të mira kanë pjesë edhe nëna, babai dhe mësuesit. N. q. s nuk i mësohen këto nuk mund të arrijnë lumturinë. Në gjynahet e çdo vepre të keqe që kryejnë kanë pjesë nëna, babai dhe mësuesit.
Në hadithe sherife thuhet:
“Të gjithë jeni si barinjtë e një kopeje. Ashtu siç ruan bariu kopenë ashtu duhet të ruani edhe ju nga Xhehennemi, pjesëtarët e familjeve tuaja dhe ata që punojnë për ju! Duhet tu mësoni atyre Islamin. Po nuk ua mësuat do të jeni përgjegjës për këtë gjë.”
“Shumë fëmijë muslimanë do të futen në Xhehennemin me emrin Uejl për shkak të prindërve të tyre. Sepse prindërit e tyre jepen pas qejfeve dhe fitimit të parasë, duke vrapuar vetëm pas punëve të kësaj bote nuk u mësojnë fëmijëve të tyre isamin dhe Kur’anin kerim. Unë jam larg nga këta prindër. Edhe ata janë larg prej meje. Ata që nuk ua mësojnë fenë fëmijëve të tyre do të futen në Xhehennem.”
“Ata që ua mësojnë Kur’anin kerim fëmijëve të tyre, ose i çojnë ata në mësuesit e Kur’anit, për çdo germë që fëmija e tyre mëson marin sevap sikur të kenë vizituar 10 herë Qaben dhe ditën e kiametit u vendoset kurorë në kokë. Të gjithë ata që i shohin i kanë zili.   Tam ilmihal-Seadet-i Ebediyye