RENDESIA E TEKBIRIT FILLESTAR

Një ditë Resulull-llahu (salall-llahu alejhi ve selem) kur po e falte namazin, një person nuk kishte mundur ta zinte tekbirin fillestar në namazin e sabahut sepse i kishte dhënë lirinë një robi. Pastaj erdhi dhe e pyeti Resulullah-llahun (salall-llahu alejhi ve selem): "O Resulull-llah! Unë sot nuk kam mundur të arrij në tekbirin fillestar sepse kam liruar një rob. A thua kam mundur ta arrij sevapin e tekbirit fillestar?" Kür Resulull-llahu (salall-llahu alejhi ve selem) e pyeti: "Ç'thuani ju rreth rëndësisë së këtij tekbiri fillestar?" Ebu Bekri Siddiku iu përgjegj: "O Resulull-llah! Po t'i kisha dyzet deve me barra të ngarkuara dhe ngarkuesa në të dyzeta të ishte xhevahir, dhe po t'ua shpërndaja të gjitha fukarenjve, prapë nuk  do të mundja ta arrija sevapin e tekbirit fillestar të marrë me imam". 
Hazreti Umeri radi-allahu anh iu përgjegj: "O Resulull-llah! edhe po të jetë vazhdimisht plot hapësira në mes Mekës dhe Medinës dhe po të jenë ngarkesa e tyre xhevahir, nëse të gjitha ua shpërndaj të varfërve, përsëri nuk mund ta arrij sevapin e tekbirit fillestar të marrë me imam.” Hazreti Uthmani radi-allahu anh iu përgjegj: "O Resulull-llah! Sikur të falja natën dy rekate, dhe në çdonjeri,  ta bëja hatme Kur'anin fisnik, përsëri nuk mund ta arrij sevapin e tekbirit fillestar të marrë bashkarisht me imam.” Hazreti Aliu iu përgjegj: "O Resulall-llah, po të jetë hapësira e Mashriku Magribit përplot kafira, po të më jepte fuqi Zoti im, e të luftoja me të gjithë, prapë nuk mund të arrij sevapin e tekbirit fillestar të marrë me imam. "Pas kësaj Resulull-llahu (salall-llahu alejhi ve selem) tha: "O ummeti im dhe as-habët e mi, po të jenë letër shtatë kat tokë dhe shtatë kat qiej, dhe detet të jenë ngjyrë dhe të gjithë drunjtë të jenë lapsa, dhe të gjitha melaqet të jenë shkrues dhe të shkruajnë deri në Kiamet, prapë nuk mund të shkruajnë sevapet e tekbirit fillestar të marrë me imam".