NJEREZIT ME TE LARTE

Të gjithë njerëzit që kanë jetuar në këtë botë që nga koha e Ademit alejhis-selam kanë qenë të ndryshëm nga njëri tjetri si nga ana materiale ashtu edhe nga ana shpirtërore. Ndërmjet tyre ka patur njerëz me gradë të larta që i dallonin ato nga njerëzit e tjerë. Në mes tyre kanë qenë njerëzit më të lartë, njerëzit e zgjedhur. I nderuari Sejjid Abdulkadir Gejlani i rendit kështu njerëzit e zgjedhur:
1- Ummeti më me vlerë dhe më i nderuari nga gjithë të tjerët është ummeti i Pejgamberit tonë alejhis-selam.
2- Njerëzit më të lartë brenda ummetit të Muhammedit “sal-lall-llahu alejhi ue sel-lem” janë es-habi kiramët të cilët i besuan atij dhe harxhuan të gjithë mallin dhe jetën për të.
3- Njerëzit më të lartë prej es-habi kiramëve janë heronjtë të cilët luftuan në luftën e Hudejbijes dhe dhanë fjalën të vdesin.
4- Më të lartët prej këtyre janë ata që kanë marrë pjesë edhe në luftën e Bedrit. Këto quhen es-hab-i Bedir. Këto ishin 313 vetë dhe luftuan me heroizëm kundër 1000 armiqve.
5- Më të lartët e luftëtarëve të Bedrit janë 40 njerëzit që besuan në fillim. I dyzeti prej tyre ishte hazreti Omeri.
6- Më të lartët prej tyre janë Asherre-i Mubesherre ( dhjetë persona që janë përgëzuar me Xhennet). Këto të dhjetë janë: hazreti Ebu Bekri, Omeri, Osmani, Ali, Talha, Zubejr bin Auuam, Abdurrahman bin Auf, Sa'd bin Ebi Uakkas, Sa'id bin Zejd dhe Ebu Ubejde bin XherrahAlejhimurriduan.
7- Më të lartët prej këtyre janë Hulefa-i Rrashidin, pra katër halifet e mëdhenj.
8- Më të lartët e Hulefa-i Rrashidinëve janë hazreti Ebu Bekri dhe Hazreti Omeri.
9- Më i larti i këtyre të dyve është hazreti Ebu Bekri.