JETA NE AHIRET

Bukuria e botës së amshuar është më e madhe se vetë jeta, më e bukur se çdo bukuri tjetër e kësaj bote. All-llahu (xh.sh.) ka përgatitur shumë bukuri në xhennet për njerëzit e devotshëm e besimtarë, kurse në xhehennem për njerëzit që humbën veten dhe ishin mohues e jo besimtarë, zemërimi i All-llahut është i madh.
Ata i pret ndëshkim dhe dënim i rëndë, sepse u treguan kryelartë, të shurdhër dhe të verbër ndaj argumenteve të All-llahut.
Aty të gjithë të pamëshirshmit dhe mendje-mëdhenjtë do të jenë lëndë e parë e zjarrit, në të cilin do të qëndrojnë përgjithmonë.
Jeta e njeriut është si një gotë e mbushur me ujë: qëndron për një kohë e pastaj, pas një kohe të shkurtë apo të gjatë zbrazet.
Kështu një ditë, secili nga ne do të vijë te fundi e atëherë do të pyesim vetveten: ç‘kemi përgatitur për këtë ditë të madhe?
A i zbatuam urdhërat e All-llahut që na i dërgoi me anën e pejgamberëve dhe librave të shenjtë?
All-llahu, për besimtarët e sinqertë, të cilët bënë vepra të mira, falën namazin dhe udhëzuan njeri-tjetrin për të mirë ka përgatitur bukuri të atilla që syri i njeriut kurrë si ka parë.
Ata do të jetojnë në parqet e lumturisë, në botën më të bukur që mendja e njeriut nuk mund t’a paramendojë, ku do të dëgjojnë cicërimat e zogjëve, gurgullimën e ujit të pastër dhe zërin e All-llahut.