UNGJILLET E SOTEM

Ungjilli i vërtetë nuk gjendet në ditët e sotme. Ungjilli i vërtetë ashtu si nuk përdoret nga të krishterët, nuk gjendet as në duart e muslimanëve. Bile shumica e priftërinjve e mohojnë se Ungjilli ka zbritur nga Allahu. Sipas një gojëdhëne izraelitët përpara se ta ekzekutonin Isain alejhisselam,  e dogjën Ungjillin në zjarr. Ose  e zhdukën atë me ndonjë mënyrë tjetër. Në atë kohë Ungjilli nuk ishte përhapur shumë. Sepse kishin kaluar vetëm 3 vjet nga koha që Isai alejhisselam ishte bërë pejgamber dhe ata që i kishin besuar ishin në numër të vogël.
Shumcia e atyre që i kishin besuar ishin fshatarë dhe nuk dinin shkrim e këndim. Ose kur zhdukën ungjillët e tjerë në vitin 325 duke e menduar si të gabuar, e zhdukën edhe të vërtetin. Në atë kohë kishte 40-50 ungjillë të tjerë të cilët binin në kundërshtim me njëri tjetrin. U derdh shumë gjak nga lufta e bërë midis grupeve të cilët i bësonin Ungjillëve të ndryshëm. Gjatë gjygjit të Arjusit u zgjodhen vetëm 4 nga këto, të tjerët u zhdukën. Kjo ngjarje kaloi në historinë e kishës. Një anglez bëri kërkime mbi Ungjillet e ndaluar dhe ato që gjeti i botoi në Londër në vitin 1820, ato që nuk i gjeti dot u botoi vetëm emrat.