NAMAZİ İ GRAVE

Ka disa gjëra tek namazi i grave që ndryshojnë nga ai i burrave. Këto janë si më poshtë:
1-Një grua kur qëndron në namaz i ngre duart deri tek shpatullat. Duart i mban të mbylluara. Nuk i rrethon gishtat e dorës së djathtë mbi kyçin e dorës së majtë. Duart i vendos mbi gjoks, të djathtën mbi të majtën.
2-Kur ulet në ruku nuk i bashkon këmbët. Në ruku përkulet pak, as kokën nuk e mban drejtë dhe përkul gjunjët. Duart i vendos mbi gjunjë, nuk i shtrëngon ato me duar dhe nuk i hap gishtat e duarve.
3-Në sexhde duart i zgjat afër barkut. Barkun e bashkon me kofshët.
4-Në etehijat ulet duke i nxjerrë këmbët nga ana e djathtë. Gishtat i mban të bashkuar me njëri tjetrin.
5-Kur bën dua nuk i gjat duart përpara por i mban ato të përkulura përpara fytyrës.
6-Nuk është e pëlqyeshme ta falin namazin e sabahut me vonesë. Eshtë mirë ta falin sapo të futet koha.
7-Në namaz nuk lexojnë me zë edhe tekbirin e teshrikut pa zë e lexojnë.       (Reddül Muhtar-Tahtavi)

DİTA BOTERORE E KİBLES
Për të shmangur gabimet e mundshme që mund të jenë bërë gjatë përcaktimit të kiblës, datat 28 Maj dhe 16 Korrik janë quajtur si Ditët Botërore të Kiblës. Në datën 28 Maj në orën 11:18 dhe në 16 Korrik në orën 11:27 me orën e Shqipërisë dielli qëndron pikërisht mbi Qabe. Në ato shtete në të cilat duket dielli në atë kohë që është pikërisht mbi Qabe, po të kthehesh nga dielli je kthyer nga Qabja. Kështu gjendet thjesht dhe me preçizion vendi se ku ndodhet kibla. Në kalendar është shënuar ora e kiblës për çdo ditë.